GFCO Ajaccio - Montpellier : plusieurs mesures pour fluidifier la circulation
(A redazzioni d'Alta Frequenza) - Com'è a sapeti, u GFCOA ghjucarà dumani (marcuri) contr'à Montpellier in quarti di finali di a cuppa di Francia di ballò. U scontru si tinarà, micca ind'u stadiu di Mezavia, ma in François Coty, nant'à i lochi di l'ACA. S'è i sustenidori di Montpellier sò pruibiti d'accessu à u stadiu via un arrestu prifetturali, i sustenidori corsi elli ani da andà numarosi in Timizzolu. Ghjustu appuntu, parechji misuri sò stati missi in ballu da i servizii di pulizza, da renda più faciuli a circulazioni. Hè racumandata di pighjà una sola vittura pà parechji d'andà u più prestu pussibuli à u stadiu. Quissu quì ghjaprarà à 3 ori, meghju dunqua à essa sopralocu bellu prima. Nant'à a circulazioni stessa, sarà cuncintrata nant'à a via manca, à u nivellu di u ghjiratoghju Maréchal Juin, pà i vitturi ghjunghjendu da u centru cità. A via dritta duvendu firmà libara d'accessu pà l'altri parsoni, ùn andendu micca à u stadiu. Ind'u sensu Campu di l'Oru - Vazziu, hè a via dritta chì hè riservata à i sustenidori. Infini, hè racumandata di cansà si ind'u sensu di a circulazioni di u ritornu, è di ùn pruvà micca à truvà una piazza ind'u parking di u stadiu riservatu à parsoni cù accreditazioni.
Sur le même sujet
