GFCA - Nantes : le match ne se jouera pas à Mezzavia
(A redazzioni d'Alta Frequenza) - U Gazélec d'Aiacciu ùn hè micca cuntentu è a faci sapè. Mentri chì tutti l'elementi erani aduniti da fà chì l'aiaccini ritruvessini u so stadiu di Mezavia pà riceva Nantes issu vennari, a Lega di Ballò Prufessiunali ùn s'hè micca spiazzata, pà dà l'accordu finali. Malgradu un arrestu municipali d'apartura à u publicu, un PV di a cummissioni di securità bonu, è a classifica di u stadiu in categuria 1 da a Federazioni Francesi di Ballò, i ghjucadori di Jean-Michel Cavalli ùn ghjucarani micca à u stadiu Ange Casanova issa settimana. Malgradu tuttu, u club ùn si smubilizeghja micca è chjama à un'adunita larga in Timizzolu. Da sbuccà ci, i dirighjenti ani dicisu di metta l'intrati di gratisi, pà riceva una di i più grossi furmazioni di Lega 2.
Précisions de Patrick Lugrezi pour le GFCA
