Gérald Darmanin confirme vouloir poursuivre les discussions sur une évolution institutionnelle
U ministru francesu di l’internu, géralde darmanin, ghjuntu in Corsica in cor’di dopu meziornu, hà vistu u prisidenti llu cunisgliu esecutivu, i prisidenti lli gruppi di l’assemblea è i riprisintenti di l’università, di u mondu ecunomicu, di u mondu agriculu, di i studianti è di a ghjuvantù.
Si hè parlatu di l’avvicinera lli prighjuneri pulitichi, o ancu di a so libarazioni. U ministru francesu hà ramintatu chì u guvernu d’emmanuel macron avia cacciatu u statutu di DPS à Pierre Alessandri è Alain Ferrandi. Par ciò chì tocca à l’avvicinera, hà parlatu di u tempu ghjudiziariu è di a nicissità di ritruvà a calma.
Par ciò chì tocca à a ricunniscenza llu populu corsu è à a pussibilità d’un’autunumia à mediu andà, u ministru francesu di l’internu hà dittu ch’iddu vulia discorra cù l’esecutivu lla Corsica è, di manera allargata, cù a riprisintazioni eletta.
Ma ancu puri ch’idda sichi aparta a discussioni, guaranzii, ùn ci n’hè.
gérald darmanin hà dittu ch’iddu voli cuntinuvà i discussioni par ciò chì tocca à l’evuluzioni stituziunali, senza pricisà par avali s’iddu si tratta d’un’autunumia lighjislativa o d’un’evuluzioni stituziunali in un quadru ghjuridicu attuali.
Steti lu à senta.
Par Gille Simeoni, hè impurtanti u scontru d’oghji, ma u prisidenti di l’esecutivu vurria chì i ingagiamenti presi chivi sichini accirtati, è ch’iddi faccini parti d’una cuntinuvità di u statu.
Steti lu à senta.
I naziunalisti, Josepha Giacometti è Jean-Christophe Angelini, si sò ditti inchieti. À senta li, par avali, ùn ci n’hè cirtezzi, nè mancu almanaccu.
Steti à senta u prisidenti llu gruppu « Avanzemu »
Josepha Giacometti ùn dici altru.
Steti la à senta.
