Gaz de ville : la CGT Energie très inquiète du devenir d'Engie en Corse
(A ridazzioni d'Alta Frequenza) - Issu marti, a CGT energia hà manifistatu davanti à a prifittura di Bastia da averta a pupulazioni, chì ci hè una bedda incirtezza pà a distribuzioni llu gasu, in Aiacciu quant’è in Bastia. Engie, a sucità chì gistisci i reti lli dui cità, hà da essa privatizata, in lu mentri ch’iddi devini essa ricundutti i cuntratti di cuncissioni lli reti. Ciò ch’impinsirisci i impiicati, hè ch’idd’ùn s’impegni più Engie, chì issi reti sò sempri in perdita. Ci pudariani tandu essa cunsiquenzi grevi à nantu à l’uttanta impiechi diretti, i dui centu cinquanta impiechi indutti, è i prezza. U cunsigliu municipali di Bastia hà vutatu una muzioni di sustegnu à i impiicati.
Stemu à senta à Xavier Nesa, pà a CGT Energia
Sur le même sujet
