Gare de Bastia : le projet est sur les rails
Visuel non contractuel
Sò pochi ghjorna, a Cullittività di Corsica hà missu in anda u cumitatu dirittivu pà a cuncizzioni lla gara nova di Bastia, è di u quartieri chì ni duvaria surghja.
Issu prughjettu, ch’hè privistu par essa compiu in u 2025, prividi u dispiazzamentu di u mantinimentu in Casamozza, a gara nova ben’intesa, ma dinò parichji millai di metra quadrati di lucala, chì sarani – trà altri cosi – accupati da sirvizia lla CDC, parichji alloghja, è 900 piazzi di staziunamentu.
A prisintazioni di u prughjettu, una sittimana dopu à a stallazioni llu cumitatu dirittivu llu portu di Bastia, s’assumidda par certi à una fisichetta alitturali di u prisidenti di l’esecutivu Gilles Simeoni, à l’affaccà di i municipali. U so ughjittivu saria di porghja un altru prughjettu strutturali à a cità ch’iddu hà direttu un annu è mezu, è di sustena d’issa manera à Pierre Savelli, ch’hà presu u so seguitu.
À issi dubbiti, dici Gilles Simeoni ch’idd’ùn ci voli à dà li capu, chì issu prughjettu veni da un primu prughjettu avviatu in u 2007, è ch’ùn hè pussutu sbuccà.
Stemu lu à senta
Pà i Camini di Farru lla Corsica, hè ora di ralligrà si di a missa in anda d’issu cartulari. Una parti d’altrondi ùn duvaria stà tantu à cuncritizà si : quidda di u dispiazzamentu di l’attelli di mantinimentu da a gara di Bastia à quidda di Casamozza, par 4,2 miliona d’auri.
Stemu à senta à Hyacinthe Vanni.
Sur le même sujet
