Le Direct

Futur Observatoire des Violences Faites aux Femmes : l'expertise d'Ernestine Ronai

(A Ridazzioni d'Alta Frequenza) - Luni, à a cumissioni lla viulenza à l’assemblea di Corsica, si hè parlatu di i viulenzi fatti à i donni. Un pinseri chì si hè fattu luci ch’hè pocu, cù u dramaticu assassiniu di Julie Douib, tumba da u so anzianu cumpagnu in Lisula, di marzu. L’affari, ci ni invinaremu, avia monda cumossu in Corsica. Par disgrazia, hà missu in risaltu uni pochi di gravi disfunziunamenti, par ciò chì tocca à l’attinzioni data à i infurmazioni è signali d’alarma in sti casi chivi. Sarà dunqua missu in anda un Ussirvatoriu di i viulenzi fatti à i donni, ci vurrà solu à dà si u tempu di veda comu urganizà lu. Pà ghjunghja ci, l’assemblea sarà aiutata da Ernestine Ronai, chì hà fattu in u 2002 un Ussirvatoriu com’è quissu in Seine Saint Denis. Hà dittu Ernestine Ronai chì, da ghjunghja à veri risultati, ci vurria ch’idda si faccia di manera liscia è chjara a cumunicazioni trà tutti i partiti impignati in stu prughjettu.

A stemu à senta