Futur hôpital d'Ajaccio : vives inquiétudes du STC
(A redazzioni d'Alta Frequenza) - Inchietudini forti di u STC di l'uspidali d'Aiacciu, chì temi di veda u novu stabilimentu nascia cù un ambienti pessimu. Sicondu u sindicatu naziunalistu, l'Agenza Regiunali di a Saluta mostra di più in più a so vulintà di custruiscia, annant'à u situ di l'uspidali novu, una clinica privata. Quissa quì apprufittaria di una zona tennica sprupusitata, finanziata cù forza da l'uspidali publicu. D'appressu u STC, purtaria à veda spuntà una saluta à dui nivelli è daria un avvena micca cusì famosu à a saluta finanziaria di u stabilimentu publicu. In più di què, l'affari ùn sò mancu appena chjari pà ciò chì tocca l'elaburazioni di ssu schema; hè in tutti i casi ciò ch'ellu pensa Ghjuvanni Brignole è a voli dì.
Steti à senta à Ghjuvanni Brignole, u secretariu generali di u STC.
