Fusillade en Castagniccia: début de l'enquête
(A redazzioni d'Alta Frequenza) - L'inchiesta principia dopu à a fucilata di stamani (marcuri) vicinu à u Silvarecciu in Corsica Suprana, duva Jean Dominique Cortopossi, 25 anni, hè statu tombu da balli stamani, è dui altri parsoni, Jean François Cervetto è Jean Dominique Bonavita, sò stati feriti di modu gravi, mentri chì una terza hè sparita è sempri ricircata. Trappula o appuntamentu chì hè andatu mali ? Ùn ci hè nulla di cunfirmatu. Rammintemi chì a vittura, duva c’erani i trè vittimi, hà compiu a so corsa da sottu à a strada. Servizii di gendarmeria è di u prucuratori sò andati sopralocu pà fà i primi custatazioni è investigazioni. Parechji dugli sò stati ritrovi. Tutti i vittimi sariani cunnisciuti da i servizii di pulizza. L'inchiesta hè cunfidata à a pulizza ghjudiziaria è à a sizzioni di ricerca di a gendarmeria.
Sur le même sujet
