Fusillade de Poretta : le parquet de Bastia se dessaisit au profit de la JIRS de Marseille
Fusillade de Poretta : la victime faisait partie du grand banditisme
(A redazzioni d'Alta Frequenza) - Pà ssa fin'di ghjurnata, l'elementi sò pochi cuncirnendu i tiri accaduti inde l'aeruportu di Poretta chì ani fattu un mortu è dui feriti, cù unu in urghjenza assuluta in fin'di matinata, è un'inchiesta difficiuli chì principia. Malgradu tuttu, l'identità di a parsona tocca d'una manera murtali hè stata accertata, è si tratta d'Antoine Quilichini, cugnumatu "u macellaru". Cunnisciutu da i sirvizi di pulizza, postu chì ind'i cartulari di u grandi banditisimu, era statu cundannatu annu à quattru anni di prighjoni frà i quali diciottu mesi attimpati par avè participatu à l'appruntera di un umicidiu in gruppu urganizatu. L'omu feritu gravi, Jean Luc Codaccioni, hè cunnisciutu anch'ellu da i sirvizi di pulizza pà i listessi fatti inde u listessu affari. A prucuratori di a Republica di Bastia, Caroline Tharot, ch'è n'emi avutu à u telefunu in ssa fin'di ghjurnata, hà pricisatu ch'ella ùn hà più in manu l'inchiesta, chì hè passata oramai à a JIRS di Marseghja.
