Le Direct

Fusillade de Mezzavia : l'une des victimes est décédée

Una di i vittimi di a cartucciata di duminica à sera, in Mezavia, si n’hè morta, in a nuttata, parvia di i so ferti.

St’omu di 40 anni era statu traspurtatu in unu statu gravu à u spidali d'Aiacciu, dopu ad essa statu toccu da tiri d'arma à focu, in un caffè di Mezavia.

Un altru omu, d’una trintina d'anni, hè statu toccu à u bracciu, è hè statu uspitalizatu. Una donna incinta è un omu, ch’erani chivi mentri l’attaccu, ani avutu una minuanza, è sò stati presi in carica da i succorsi.
Par avali, i sirvizia lla inchiesta ùn iscantani nisciuna spiicazioni. ch’iddu si tratti d’un rigulamentu di conti o d’un affari privatu.

Fatti i primi ricirchi, balistichi o altri, supr’à locu, a pulizza ghjudiziaria duvaria lintà un ochji à a videosurviglianza.

À creda ni i primi elementi lla inchiesta, u tiradori saria ghjuntu è scappatu cù un scooter.