Furiani : les travaux du stade Armand-Cesari iront jusqu'au bout malgré un PTIC moins généreux que prévu
Marti, a cumunità d’agglumirazioni bastiaccia hà fattu un puntu, par ciò chì tocca à a situazioni llu stadiu Armand Cesari, in Furiani.
Pà u ritornu llu SC Bastia in u mondu prufiziunali, à a CAB l’hè tuccata à attaccà parichji travadda : rinuvera lla telesurviglianza, di a sunurisazioni, criazioni d’una reti wifi capaci à purtà 5800 cunnizzioni à tempu, criazioni d’un parcu di staziunamentu pà i sustinitori di l’avvirsarii, stallazioni di dui screni maiori toccu mezu austu… Pà issi travadda, ci sò vulsuti 550 000 €.
Più tardi, a CAB duvaria rinuvà i tribuni à Livanti è à Punenti. Quidda à Livanti duvaria avè un tettu, è riceva travadda più impurtanti.
Issi travadda duvariani attaccà in principiu llu 2022 è compia si à a fini llu 2023.
Ma u pinseri hè chì u PTIC, chì ni duvia assicurà u finanzamentu pà 80 %, ùn purtarà chè 50 % di participazioni.
A CAB accerta chì u prughjettu hà da essa finitu. Eppuri, sè l’affari ùn cambiani, ci vurrà à attimpà, o ancu à annullà certi altri prughjetta di soiu.
Steti à senta à Louis Pozzo di Borgo, u prisidenti lla CAB.