Furiani : la première pierre du refuge et parc pour animaux posée à Fornacina
Da quì à u principiu llu 2024, à torru à a strada tarrituriali, l’animali abandunati di circonda bastiacci ani da pudè essa accolti in una struttura nova. A so custruzzioni hè stata avviata ufficialmenti luni in Furiani, à nantu à u situ di a Fornacina.
Issu prughjettu di 2,6 miliona, purtatu da a Cumunità d’Agglumirazioni di Bastia, hè finanzatu par mità da a Cullittività di Corsica, è à più di 20 % da u statu.
Chivi, ani da pudè essa accolti 25 animali, ghjatti o ghjacari. Un arrestu di u trennu hè privistu vicinu à u situ, ind’iddu si circarà à stallà vitirinarii chì pudarani prufittà supr’à locu d’un’unità di chirurgia.
Issu canili duvaria accodda animali ghjunti da culandi à i limiti di a CAB.
Steti à senta à Louis Pozzo di Borgo, u prisidenti di a Cumunità d’Agglumirazioni Bastiaccia.
À issu prughjettu, ci teni à veru Michel Simonpietri, u merri di Furiani.
Difindidori di a causa di l’animali, sustegnu di u Partitu Animalistu, si teni ancu dui ghjatti in u so scagnu in mirria.
Hè un pezzu ch’iddu aspittaia una stallazioni cumpagna à nantu à a so cumuna.
Steti à senta à Michel Simonpietri, u merri di Furiani.
A Cullittività di Corsica dici ch’iddu mancaia calcosa à a causa animalesca.
Cuncidindu essa ci statu sinsibilazatu da Michel Simonpietri, Gilles Simeoni, u prisidenti di l’esecutivu, spieca ch’issu prughjettu hè di quiddi strutturali.
Steti lu à senta.