Furiani : coup d'envoi des travaux du stade Armand-Cesari
Luni, sò stati attaccati ufficialmenti i travadda di u stadiu Armand Cesari, cù i primi colpi di pala mecanica dati à a tribuna Petrignani.
Ani da durà, issi travadda, sinu à ghjinnaghju di u 2026. Dopu à i spuddatoghji, à a tribuna di stampa è à a tribuna Petrignani, hà da essa chjusa da frivaghju llu 2025 à ghjinnaghju llu 2026 a tribuna à Punenti.
A tribuna Petrignani, rinuvata, duvaria riapra d’uttrovi llu 2025.
D’altri travadda ani da essa avviati in i tribuni Nordu è Sud, ma u puntu u più spittacularu sarà forsa u tettu chì vinarà à copra i quattru tribuni.
D’un valori di 16,4 miliona, finanzati par mità da u PTIC, issi travadda duvariani dà un’andatura degna è difinitiva à un stadiu chì oghji pari fattu à pezzi è à bucconi, 32 anni dopu à u drama di Furiani.
Steti à senta à Louis Pozzo di Borgo, u prisidenti di a CAB.
