Fret dans le maritime: le blocus est levé
(A redazzioni d'Alta Frequenza) - U blucchimi di u trasportu di i marcanzii iniziatu da i traspurtadori corsi da è ver di a Corsica ind'u marittimu hè compiu. Duranti una riunioni urganizata stamani (luni) ind'a camara di Cumerciu di Corsica Suprana trà i traspurtadori, a Corsica Ferries è a camara d'agricultura, un accordu hè statu trovu. Tutti ssi partiniarii ani dicisu di crià una cumissioni chì hà da pruvà, più o menu, di gistiscia a crisa. A Corsica Ferries hà da prupona viaghji in più, è ssa cumissioni sarà incaricata di sparta i flussi trà i sfarenti usadori di i servizii marittimi. A priurità sarà data malgradu tuttu à u trasportu di a racolta di i clementini, ma com'è no a sapemi, a Corsica Ferries lachendu parta solu veiculi cumpletti, vali à dì micca i rimorchi soli, u restu di i piazzi dispunibuli sarà spartutu trà i sfarenti traspurtadori. Una riunioni nova sarà urganizata in principiu di dopu meziornu pà finalizà a missa in ballu di ssu serviziu. Corsica Ferries ci hà da participà, è darà tandu u so accordu difinitivu.
Steti à senta à Jean André Cardosi, raprisintanti di a filiera agrumicula di Corsica.
