François Alfonsi démonte l'argumentation du ministre de l'Intérieur
(A redazzioni d'Alta Frequenza) - U cumpurtamentu tutalitariu di un Statu francesi dommaticu è ghjacubinu! Eccu ciò ch'ella cundanna una parti maiò di a raprisintazioni pulitica isulana dopu à u passaghju in Corsica a sittimana scorsa di u novu ministru di l'Internu. Hè vera chì quillu chì stà inde l'hôtel Beauvau ùn hà guasgi mai racoltu ind'è noi mazzuli di parolli di ricunniscenza o d'ammirazioni,ma discorsi di scuntintezza com'è calchì ghjornu fà lacarani di sicuri tracci. Fora di i republicani, o i strà republicani, di diritta ma dinò di manca, i parolli chì sò ricullati versu Parighji dimostrani bè ciò ch'ellu pensa una parti impurtanti di u mondu puliticu corsu. Pari chì u currenti naziunalistu, chì dipoi calchì mesi o ancu calchì annu avia fattu parechji sforzi ind'a so rilazioni cù u Statu, vultessi à un vucabulariu più seccu. Da un "Statu buciardu", com'ellu diciaria Ghjuvan Guidu Talamoni fin'è un Statu chì "sforma a verità", a distanza hè corta com'ellu a priciseghja François Alfonsi, l'anzianu diputatu aurupeu chì sfaci in maiò parti l'argumentazioni di Bernard Cazeneuve.
Steti à senta à François Alfonsi.
Sur le même sujet
