Francis Rombaldi s'en est allé
Si ni hè andatu à l’eternu Francis Rombaldi
Francis Rombaldi era un artistu !
Innamuratu di l’imagini, passiunatu da u mondu è da ciò chì l’era à torru, si n’hè andatu issu luni.
Fotograffu, cameraman, autori, t’avia issu donu raru chì porta à u rispettu.
Francis Rombaldi hà avvintu a Corsica par dì ni, cù u so travaddu, a bilezza è i tisori.
Hè statu tistimoniu d’un’attualità ch’iddu hà immurtalizatu cù tanti i ritratti, d’issi rittrati chì ani marcatu a noscia isula. Era ancu un passiunatu di a natura.
A Corsica hà persu oghji un omu di cori è di gran’talentu.
Radio Alta Frequenza perdi un amicu, è prisenta i so dulianzi sinceri à a so famidda è à i soi tutti, pinsendu particularmenti à u so fiddolu Franck, chì hà ripresu a fiara da u babbu accesa.
Sur le même sujet
