Foyer de Furiani : le regard de Serge, occupant
(A redazzioni d'Alta Frequenza) - Calchì simana fà, a Casa di Furiani hà inauguratu setti alloghji novi pà accoglia parsoni senza casa fissa, in situazioni di dibbulezza è d'isulamentu. À mezu à i parsoni chì ci stani, ci n'hè di tutti l'età, frà i quali certi chì par via d'accidenti di a vita, d'avè persu in furia u so impiegu o di cunflitti di famiglia, ani persu tuttu malgradu una vita di stantu. Hè u casu di Serge, senza casa fissa ben cunnisciutu da i bastiacci chì dipoi dui anni si n'hè andatu da u carrughju pà truvà un alloghju stabuli in a Casa di Furiani, è chì hà pussutu entra inde unu di l'alloghji novi inaugurati. Ci spiega chì a sulidarità, in Corsica, ùn hè micca una parolla vana.
Steti à senta à Serge.
