Forum de l’Emploi et de l’Alternance en Corse à Ajaccio : zoom sur EDF
(A redazzioni d'Alta Frequenza) - C'hè statu ssu marcuri in u Palazzu di i Cungressi d'Aiacciu u tradiziunali Foru di l'Impiegu è di l'Alternenza, urganizatu da Pôle Emploi è u CFA Universitariu. Una quattriesima edizioni chì hà adunitu intrapresi, Centri di Furmazioni è Urganisimi Paritarii ditti "OPCA". Parechji centunai d'ufferti d'impiegu sò stati pruposti à i ghjovani è à i menu ghjovani, è sfarenti attelli sò stati à u prugramma dinò. Cuntratti in CDD, CDI, ma dinò di sicuru in alternenza in l'isula sana, da l'hôtels è a risturazioni, passendu pà u cummerciu, i servizii à a parsona o à l'intrapresi, l'infurmazioni è a cumunicazioni, l'industrii, l'armata o ancu a grandi distribuzioni. Pà EDF Corsica, à u prima pianu nant'à u sughjettu di l'alternenza frà altru, un evenimentu simuli hè assai pusitivu à parechji nivelli.
Steti à senta à Lisandru Luciani, in carica di a furmazioni ind'è EDF Corsica.
Sur le même sujet
