Fortes précipitations en Corse-du-Sud
(A redazzioni d'Alta Frequenza) - L'acquati sò forti dipoi stamani (luni) in Corsica Suttana. Cumuli impurtanti sò arrighjistrati in parechji lochi, soprattuttu in u settori di a Gravona. I pumpieri sò mubilizati dipoi a mità di a matinata. Ss'ultimi par asempiu ani missu in securità quattru parsoni à u nivellu di u ponti di Carbuccia, a so casa essendu stata tocca da l'acqua; a merria l'hà da truvà un alloghju novu. Ricunniscenzi sò rializati dinò nant'à a zona d'attività di a Gravona, cù una parti chì hè stata chjosa. Altru puntu neru, ind'i Dui Sevi, duva u paesi di Letia hè inundatu pà una parti; quì dinò una parti di i lochi hè stata chjosa. In Sagone, 50 cm à 1m50 d'acqua hè statu rilevatu; uparazioni pà pumpà l'acqua sò in corsu.
Sur le même sujet
