Forte mobilisation à Bastia pour Battini, Verdi et Tomasini
(A redazzioni d'Alta Frequenza) - Ssu sabbatu in Bastia, più di 2 000 parsoni ani caminatu da u Palazzu di Ghjustizia fin'è a prifittura in sustegnu à Nicolas Battini, Ghjaseppu Maria Verdi è Stéphane Tomasini, cundannati pocu fà in u quadru di l'attentatu contr'à a sottu prifittura di Corti d'aprili di u 2012. C'era in u curteghju Gilles Simeoni, Ghjuvan Guidu Talamoni, ma dinò cunsighjeri esecutivi numarosi, raprisintanti di tutti i famighji di u currenti naziunalistu è certi parsunalità pulitichi di currenti più tradiziunali. À a fini di a manifistazioni, Francescu Maria Perfettini pà a Cunsulta di a Ghjuventù Corsa hà presu a parolla, annunziendu par asempiu chì membri di a Ghjuventù Indipendentista ani principiatu una greva di a fami ssu sabbatu à sera. Dopu a fini di a manifistazioni, ci sò stati incidenti trà i forzi di l'ordini è una cinquantina di parsoni fin’è u principiu di a sirata.
Steti à senta à Francescu Maria Perfettini.
