Forte houle aujourd'hui : des plages interdites à la baignade
(A redazzioni d'Alta Frequenza) - Attenti à u ventu è à i marosuli oghji nant'à i spondi di a Corsica, è in particulari nant'à a parti uccidintali. Ssu ghjovi dighjà, i succorsi in mari sò intarvinuti parechji volti pà salvà parsoni numarosi. Certi sò stati purtati à l'uspidali di Sartè. Eppuru, c'erani stati chjami à essa prudenti da a parti di i sirvizi cumpetenti. Hè par quissa chì a cumuna di Prupià hà presu un arristatu pà pruibiscia à l'aghjenti di bagnassi nant'à a cumuna sana. Vistu chì i turisti ùn erani micca pronti à rinuncià à bagnassi, gendarmi di a brigada di Sartè sò stati ubligati à intarvena cù siverità. Oghji, ss'arristatu hà da cuntinuà, soprattuttu chì u ventu s'hà da rinfurzà cù buffulati chì ani da trapassà i 100 chilometri à l'ora è marosuli chì pudariani cullà fin'è 3 metri d'altezza. In Aiacciu, hè dinò pruibitu di bagnassi in Capu di Fenu pà i listessi raghjoni. A prudenza a più maiò hè racumandata.
Sur le même sujet
