Forte baisse du chômage en Corse sur le dernier trimestre
(A Ridazzioni d'Alta Frequenza) - A Direccte è Pôle Emploi ani publicatu i sciffri di l’impiecu in Corsica, pà a siconda trimisata llu 2018. Pà stu periudu, u numaru di i dumandadori d’impiecu, custretti à circà ni unu è senza attività (catiguria A) hè di circa 17050. Hè una calata di 5 % pà a trimisata, è di 3,7 % pà l’annata. U numaru di i dumandadori d’impiecu, custretti à circà ni unu, in li catigurii A, B o C hè di 22240 pà a trimisata, vali à dì una calata di 2,6 % pà a trimisata, è di 0,9 % pà l’annata. Oghji, in Corsica, i senza travaddu sò 25550. Hè da nutà ch’issa calata tocca di più u Pumonti, cù circa – 6 %. Issa calata di u numaru di i dumandadori d’impiecu, in Corsica, hè a contra sensu lla tindenza ditta naziunali. À liveddu lla mitropula, u disimpiecu cresci di 0,1 % pà a trimisata, è di 1,4 % pà l’annata
