Football - Wahbi Khazri prend sa retraite
Si ni parlaia chì sò uni pochi di sittimani, ma oramai hè ufficiali : à 34 anni, Wahbi Khazri hà da piddà a so ritirata di ghjucadori prufiziunali di ballonu.
A dicisioni veni dopu à dui ritrovi mancati, a statina passata po’ calchì sittimana fà, cù u SC Bastia.
U ghjucadori è a squadra l’avariani vulsuta scriva issa pagina in più, ma tandu Frédéric Antonetti ci s’era uppostu in tuttu, dendu u favori à ghjucadori com’è Sébas o Aiki.
Wahbi Khazri, dubitu ùn ci n’hè, t’hà u sangu turchinu : campionu di Naziunali po’ di siconda divisioni cù u Sporting, a maglietta bastiaccia l’hà purtata 188 volti, è hà marcatu 35 volti cù issi culori.
Ottu anni fà, quand’iddu hè falatu in Naziunali 3 u Sporting, avia datu, senza fà la sapè, un tutali à cinqui sciffri à a squadra, quant’è ch’iddu ringraziessi pà a furmazioni ricivuta.
Dopu ad avè ghjucatu cù Bordeaux, Sunderland, Rennes è Saint Etienne, avia sceltu a statina passata d’ùn rinuvà u so cuntrattu cù Montpellier, avvicinendu cusì a fini lla so carriera.
Cù a squadra naziunali di Tunisia, hà ghjucatu 74 volti, è hà missu 25 marchi.
