Football (Transferts) - Mehdi Mostefa devrait rejoindre le SC Bastia
(A redazzioni d'Alta Frequenza) - U marcatu di i trasferimenti ùn hè micca compiu pà daveru pà u SC Bastia, chì t'hà bisognu d'allargà u so effetivu. Dopu chì à u mezu di tarrenu, a pussibilità di veda ghjunghja à Guillaume Gillet s'hè svanita, malgradu a vulintà tamanta di u ghjucadori di firmà in Bastia, u Sporting avaria trovu ciò chì li ci voli. Ed hè un ghjucadori chì cunnosci dighjà a Corsica chì si duvaria ingaghjà à u più tardi in principiu di sittimana, postu chì i dirighjenti bastiacci avariani trovu un accordu cù Lorient pà u trasferimentu di Mehdi Mostefa, chì ùn sarà micca in u gruppu brittonu contr'à Bastia dumenica pà raghjoni "altri cà spurtivi" sicondu Sylvain Ripoll, l'intrenori di Lorient. L'internaziunali algerianu, chì t'hà 31 anni, duvaria signà un cuntrattu di dui anni cù u club. Hè un prufilu di ghjocu vicinu à quillu di Yannick Cahuzac ch'ellu t'hà l'anzianu ghjucadori di l'AC Aiacciu, chì currispondi à i brami di Ghislain Printant.
Sur le même sujet
