Football (Transfert) - Zana Allée vers l'AC Ajaccio
(A redazzioni d'Alta Frequenza) - L'AC Aiacciu duvaria uttena l'imprestitu di Zana Allée, u ghjucadori di Rennes di 21 anni. Ssu ghjucadori chì era suvitatu da parechji grandi clubs aurupei, com'è Arsenal annu, hà ghjucatu infini in CFA a staghjoni scorsa in Brittagna. U francesi è iracchianu hè dinò internaziunali francesi U16 è U18 è hà ghjucatu calchì partita in Liga 1 cù Rennes. Zana Allée hè un mezu uffensivu tennicu è rapidu. Hà participatu à u sicondu tempu arisera (vennari) da a partita amichevuli trà Fréjus è l'ACA, è hà scrittu una rialisazioni (vittoria di l'ACA 4-1). Saria una bunissima ghjunta pà u club aiaccinu. U marcatu ùn sarà micca compiu malgradu tuttu. Aspittendu a cunfirmazioni di u trasferimentu di Diabata com'è difensori à manca, u club duvaria ufficializà a signatura di un attaccanti in principiu di sittimana, è di un mezu difensivu chì pudaria essa Abergel (OM).
