Football (Transfert) - Zana Allée signe deux ans à l'AC Ajaccio
(A redazzioni d'Alta Frequenza) - L'AC Aiacciu cuntinueghja u so marcatu. Un ghjucadori novu rinforza oghji u gruppu aiaccinu, hè Zana Allée. Annunziatu un tempu com'è impristatu in Aiacciu, ss'ultimu hè statu lacatu infini libaru da Rennes è s'hè ingaghjatu pà dui anni cù l'ACA. À 21 anni, hè un mezu di tarrenu uffensivu chì hà ghjucatu calchì partita in Liga 1 è chì hè statu impristatu in Auxerre di ghjinnaghju scorsu. Internaziunali U16 è U18, era suvitatu tempi fà da clubs inglesi, com'è Arsenal, prima d'andà in Rennes. Ghjucadori rapidu, sgualtru è soprattuttu tennicu, ùn ci l'hà fatta à imponasi in u club brittonu a staghjoni passata. Pruvarà à rilanciassi cù l'ACA chì pudaria bè, cù ssu trasferimentu, rializà un'uparazioni bunissima.
Sur le même sujet
