Football (Transfert) : Haris Belkebla vers l'AC Ajaccio
(A redazzioni d'Alta Frequenza) - Sicondu France Football, u ghjovanu Haris Belkebla chì ghjoca in u Tours FC hà da ghjunghja à l'AC Aiacciu da quì à calchì ghjornu. Lanciatu in prufiziunali da Olivier Pantaloni l'istati scorsu, hè statu a rivelazioni di u club cuntinintali, ghjuchendu 36 partiti annant'à 38 duranti a staghjoni in u mezu di tarrenu di a squadra di u presidenti Jean Marc Ettori. Hà scrittu dui rialisazioni in Liga 2 è fattu dui passi dicisivi. D'appressu à France Football, l'imprudenza di i dirighjenti di Tours, chì ùn ani micca uffertu un cuntrattu prufiziunali à tempu à st'amatori hà lacatu a porta aparta à a cuncurrenza, chì ùn si farà micca prigà di sicuru pà buscassi ssu talentu veru di 21 anni". Hè dunqua l'ACA chì apprufittaria di ssu ghjucadori d'avvena. Un trasferimentu chì devi essa cunfirmatu malgradu tuttu.
