Football (Transfert) - Des départs du coté de l'AC Ajaccio
(A redazzioni d'Alta Frequenza) - Ci sò muvimenti inde l'AC Aiacciu. In fatti, dui ghjucadori si ni vani o si n'ani da andà da u club. Eric Marester, u difensori à diritta di l'ACA, hè partutu in Alsazia pà rinfurzà u RC Strasbourg, chì sarà u grandi favuritu di u so campiunatu pà a staghjoni chì veni. A so partenza hè stata accertata di manera ufficiali da u club. Pà ciò chì tocca Gary Coulibaly, ss'ultimu hè dinò annunziatu nant'à a partenza. Pudaria andà in Belgica da quì à calchì ora o calchì ghjornu. À u nivellu di i ghjunti, l'ACA prova sempri u laterali à manca di Dijon, Zié Diabaté, anzianu ghjucadori di u Standard de Liège. Duvaria signà un cuntrattu di dui anni s'è i so provi fisichi sò boni. Infini, l'ACA cerca sempri un guardianu. U fratellu di Steve Mandanda hè sempri pruvatu in Aiacciu mentri chì altri pussibilità spuntani. L'OM pudaria impristà unu di i so guardiani, Brice Samba o Julien Fabri. Ci vularà à suvità ssi cartulari...
Sur le même sujet
