Football (National) - Reprise en douceur pour le SC Bastia
Luni, u Sporting Club di Bastia si hè ritrovu à l’IGESA, da appruntà a so staghjoni. Innanzi à issa ripresa, i ghjucadori ani fattu virifichi sanitarii, da sicurizà si di pettu à u Covid-19.
Dopu à un posu beddu longu, a ripresa si hè fatta pianu pianu pà i 21 ghjucadori lla squadra prima è i quattru ghjucadori di menu di 19 anni prisenti issu ghjornu.
Ma si parla dighjà di l’avvena, è di i macci di priparazioni. Trà quissi, dui sò aghjà signalati : u 1u d’austu, u Sporting ricevi a Montpellier, una squadra di prima divisioni. È u 14 d’austu, à una sittimana llu principiu llu campiunatu, i bastiacci andarani à u stadiu François Coty à cunfruntà si à l’ACA, pà u ghjubileu di Johan Cavalli.
Par ciò chì tocca à l’effettivu, ancu s’iddu pari suddisfattu l’addistradori Mathieu Chabert, un ghjucadori – à u minimu – duvaria ghjunghja dinò.
Steti à senta u tecnicu bastiacciu.
Sur le même sujet
