Football (National) - Pas de Ligue 2 pour le GFC Ajaccio
(A redazzioni d'Alta Frequenza) - U GFC Aiacciu ghjucarà dunqua in Naziunali a staghjoni chì veni. Eccu a dicisioni di a DNCG oghji (luni) dopu à l'asamini di passaghju di u Tours FC, club duva u presidenti è l'intrenori sò corsi oramai (Ettori è Pantaloni). In fatti, u club di Tours, chì era statu cundannatu à falà di modu amministrativu in Naziunali da a DNCG, avaria datu l'argumenti nicissarii à u gendarmi finanziariu di u ballò, postu chì l'appellu hè statu favurevuli à u club. Hè una gattiva nutizia inveci pà u GFC Aiacciu, chì cridia cù forza dipoi calchì ghjornu ch'ellu pudaria essa ripresu in Lega 2, frà altru par via di a situazioni finanziaria pessima di Le Mans è di Sedan. Tours ferma dunqua in Lega 2, è u GFC Aiacciu, in Naziunali.
