Football (National) - Opération rachat pour le CA Bastia face à Dunkerque
(A redazzioni d'Alta Frequenza) - Pà l'ondicesima ghjurnata di Naziunali, u CA Bastia, quindicesimu è ind'a zona rossa, ghjoca contr'à Dunkerque, dicesimu di u campiunatu. I bastiacci ani da riceva nurdisti in una situazioni spurtiva assai pessima. Fora di a classifica chì manda luntanu i sogni di ricullata, a crisa hè divintata più forti una sittimana fà, quandu i cabisti, assenti, sò stati eliminati di a Cuppa di Francia da Borgu, club di divisioni d'unori. U fiascu spurtivu di u troppu pà u presidenti Antoine Emmanuelli chì hà impostu cù u staff un staziu tutta a sittimana in Monticellu è hà scantatu da u gruppu dui ghjucadori chì ani da essa lampati fora. Pà quilli chì cuntinueghjani l'aventura, u missaghju hè chjaru, nisun altru risultatu cà a vittoria sarà accittatu.
