Football (National) - Nouveau succès pour le GFCO Ajaccio à Paris (0-3)
(A redazzioni d’Alta Frequenza) - U GFCO Aiacciu cuntinueghja a so seria incredibuli, buschendu si stasera (sabbatu) a so ottesima vittoria à a fila, qualsiasi a cumpetizioni, contr’à u Parighji FC,trè reti à zeru. L’aiaccini ani da signà a prima à a 20a minuta grazia à u so capitanu Poggi, nanzi di duppià l’affari à a meza ora di ghjocu par via di Filippi ; iss’ultimu hè statu d’altrondi sclusu cinqui minuti nanzi à a pausa. Un successu chjosu da una rialisazioni di Maisonneuve à l’83a minuta. Trè punti novi chì parmettini à i ghjucadori di Dumenicu Veilex di cullà à u seiesimu postu, à 5 punti di u terzu, Épinal, à quali manca una partita à ghjucà, è chì u Gazélec scuntrarà marcuri chì veni in Mezavia, nanzi à a tradiziunali pausa d’inguernu.
