Football (National) - Mathieu Sans (Bastia) rejoint le GFC Ajaccio
(A redazzioni d'Alta Frequenza) - Si sapia chì u GFC Aiacciu duvia fà un bellu colpu duranti ssa fin di u marcatu. Sicondu u ghjurnali L'Equipe, u club s'hà da rinfurzà oghji, cù a ghjunta di Mathieu Sans, ghjucadori di u SC Bastia. Essendu statu titularizatu mancu una volta dipoi u principiu di a staghjoni cù u Sporting, ss'ultimu hà da francà dunqua Vizzavona pà stà si ni in Aiacciu. Cù ssu novu ghjucadori, u GFCA pari essa bè armatu pà ghjucà i primi rolli ind'u campiunatu di Naziunali quist'annu.
Sur le même sujet
