Football (National) - Le GFCO Ajaccio veut poursuivre sur sa lancée à Paris
(A redazzioni d’Alta Frequenza) – Diciottesima ghjurnata di Naziunali, u GFCO Aiacciu, 7u, si spiazza oghji in Ile-de-France pà ghjucà contr’à u Parighji FC, 8u. Firmendu nant’à una seria di setti vittoria qualsiasi a cumpetizioni, l’ultima essendu a qualificazioni pà i 32i di finali di a Cuppa di Francia, u Gazélec vularà cuntinuà di issu modu quì, andendu à buscà si un risultatu pusitivu da u cantu di u Stadiu Charléty. Contr’à elli, una squadra parighjina assai parfurmenti iss’ultimi tempu, essendu a siconda più bona furmazioni in casa soia. Da u cantu aiaccinu, u gruppu duvaria essa guasgi u listessu cà quillu sceltu contr’à Calvi a dumenicata scorsa. Una bella uppusizioni trà issi dui squadri assai vicini l’una di l’altra, chì principiarà à 6 ori di sera.
