Football (National) - Le GFCO Ajaccio défait à Vannes (3-2)
(A redazzioni d'Alta Frequenza) - In Naziunali, u GFCO Aiacciu hà persu stasera (sabbatu) in Vannes, trè à dui. Eppuru sò l'Aiaccini chì ani scrittu a prima reta à a 20a minuta, par via di Boesso. Un vantaghju persu ind'u sicondu periudu, contr'à una furmazioni brittona cambiata dopu à a pausa, mittendu dui rialisazioni in novi minuti. U Gazélec egualizava appena dopu, ma duvia finalmenti incascià si una nova reta, mandendu via qualsiasi spera di buscà si un bonu risultatu da issu spiazzamentu. I ghjucadori di Dumè Veilex ani mancatu quì l'uccasioni d'essa soli primi di u campiunatu, è perdini dinò un postu, pà falà terzi, dopu à a vittoria di Nîmes. Prossima partita, sarà in Mezavia sabbatu contr'à Fréjus-Saint-Raphaël.
Sur le même sujet
