Football (National) - Le GFC Ajaccio va garder son statut professionnel
Football (National) - Le GFC Ajaccio va garder son staut professionnel
(A redazzioni d'Alta Frequenza) - U calendariu di u campiunatu Naziunali hè cunnisciutu oramai. Hè statu publicatu da a FFF oghji (marti). Un club corsu participeghja à ssu campiunatu, u GFC Aiacciu, chì fala da a Lega 2. L'aiaccini principiarani a so staghjoni cù un spiazzamentu in Carquefou, u 9 d'aostu, prima di riceva à Fréjus Saint Raphaël, u 16 d'aostu in Mezavia. Eppo ci saria una bona nutizia pà u GFCA. In fatti, ci sarà dumani à scelta à a sorti di i dui primi ghjiri di a cuppa di a Lega. Tutti i clubs di Lega 2 è i trè clubs prufiziunali di Naziunali sò cuncirnati. U Gazélec faci bè parti di a lista di i clubs chì participarani à a cumpetizioni (cù Amiens è Boulogne). Di pettu à u fattu chì u clubs prufiziunali sò i soli à pudè participà à ssa cumpetizioni, vularà dì tandu chì u club hà da tena u so statutu prufiziunali, è què malgradu a so falata. Saria tandu una cosa bunissima ind'u scopu di una ricullata subbitu in Lega 2. A Corsica t'avarà dunqua bè quattru clubs prufiziunali a staghjoni chì veni, u SCB, l'ACA, u CAB è u GFCA, un affari mai vistu. Rammintemi chì a Corsica hè a lega a più chjuca di Francia.
