Football (National) - Le GFC Ajaccio maintenu en National
(A redazzioni d'Alta Frequenza) - U GFC Aiacciu hè statu riintegratu ind'u campiunatu Naziunali arimani (marti) dopu à l'appellu di a so falata in CFA u mesi scorsu. Hè un sullevu maiò pà i dirighjenti, i ghjucadori, ma ancu i sustenidori di u club. A DNCG hè dunqua andata à prò di i novi argumenti di i dirighjenti, cù frà altru u votu di l'assemblea di Corsica, vennari scorsu. L'eletti di a CTC ani vutatu in fatti una suvvenzioni eccezziunali di 619 000 auri, chì avarà avutu, infini, a so impurtanza. Malgradu tuttu, a massa di i paghi di u club hè survighjata pà pudè riparta in Naziunali, ciò chì pudaria renda cumplicatu u so marcatu. Un affari chì pudaria dinò metta in periculu u statutu prufiziunali di u club.
Ecoutez le président délégué du GFCA, Olivier Miniconi.
Sur le même sujet
