Football (National) - Le GFC Ajaccio accueille Boulogne-sur-Mer
(A redazzioni d'Alta Frequenza) - 12a ghjurnata di Naziunali oghji (vennari) pà u Gazélec d'Aiacciu chì ricevi in Ange Casanova a squadra di Boulogne sur Mer. L'aiaccini, sempri primi è chì ùn sò ancu à perda dipoi u principiu di a staghjoni, vularani cunfirmà a bella vittoria in Dunkerque è cuntinuà di fattu nant'à a so bellissima dinamica. Contr'à elli, una squadra nurdista 9ima, chì hà fattu sapè di manera chjara vulè ritruvà a Lega 2 quist'annu, chì hà tinutu u so statutu prufiziunali, ma chì ùn ci la faci ancu à pighjà i punti nicissarii. Un scontru chì duvaria prumetta quantunqua un bellu spettaculu è chì principiarà à 8 ori di sera.
