Football (National) - Le Gazélec d'Ajaccio à trois points de la Ligue 2
(A redazzioni d'Alta Frequenza) - In Naziunali, u Gazélec d'Aiacciu hà rializatu un novu grandi passu versu a Lega 2, guadagnendu arisera (vennari) in Mezavia, contr'à u Parighji FC, una reta à zeru. Un successu uttenutu à straziera, grazia à una rialisazioni in più di u so attaccanti u più pruduttivu, Nicolas Verdier, à l'ora di ghjocu. Una vittoria chì laca u postu di leader à u GFCOA, cuntendu oramai 4 punti d'avanza nant'à Vannes è Epinal, 4u è 5u. Ci vularà malgradu tuttu ad aspittà pà validà issa cullata. In fatti, i cuncurrenti diretti di l'Aiaccini ani tutti guadantu i so uppusizioni rispettivi. À dui ghjurnati di a fini, 3 unità bastariani à i ghjucadori di Dumè Veilex, da raghjunghja a siconda divisioni di u ballò francesi.
