Football (National) - Le FC Borgo prend un nouveau départ contre Le Puy
Pà l’attaccu di a prima ghjurnata llu campiunatu di Naziunali, sta sera à setti ori è mezu contru à Le Puy, u FC Borgu hà cambiatu addistradori, ghjucadori è ancu nomu, postu chì a squadra hà ripresu quiddu d’innanzi à a fusioni cù u CA Bastia.
Avendu privistu una staghjoni in Naziunali 2, à squadra hà avutu un mesi solu pà appruntà si, issendu ripresa in Naziunali dopu chì a DNCG achi fattu falà à Sète.
À u cumplessu spurtivu Paul Natali, hè à veru una squadra nova ch’iddi ani da veda i sustinidori, postu ch’ùn sò chè quattru i ghjucadori d’annu à essa prisenti issa staghjoni. Quindici ghjucadori si sò ingagiati cù u FC Borgu, certi issendu impristati da squadri di prima o siconda divisioni. L’effettivu, dunqua, ùn hè ancu à 100 % di i so pussibilità.
U bancu dinò pruponi calchì nuvità, postu chì Alexandre Torres, chì hà avutu u so brivettu d’addistradori prufiziunali, è chì sinu ad oghji era avvizzu à a Naziunali 2, hà da avè par missioni di mantena a squadra in un campiunatu ind’iddi sò privisti sei falati.
Steti à senta à Alexandre Torres, l’addistradori di u FC Borgu.
