Football (National) - Le CA Bastia se rend à Carquefou
(A redazzioni d'Alta Frequenza) - In campiunatu Naziunali, u CA Bastia, settesimu, si spiazza inde l'ondicesimu, Carquefou. I cabisti, ind'una bunissima fasa in campiunatu è essendu assai in cunfidenza dopu à issa seria di risultati pusitivi, ani da ghjucà contr'à lucali chì ani fattu i so quattru ultimi scontri di campiunatu fora di i so lochi par via di parechji partiti rimandati à un'antra data. Ma ci voli à fà casu pà i bastiacci nant'à issu tarrenu duva l'avversariu hè di prima trinca, firmendu nant'à cinqui belli vittorii in casi. Tuttu l'intaressu di issa partita sarà di veda s'è u CA Bastia pò andà più luntanu cà un mantinimentu tranquillu andendu à buscà si un bon risultatu inde issa parti di a Francia. Un scontru chì principiarà à 8 ori.
