Football (National) - Le CA Bastia reçoit Uzès-Pont-du-Gard
(A redazzioni d’Alta Frequenza) - Stasera (vennari) à 8 ori à u stadiu d’Erbaghjolu, u CA Bastia hà da riceva un antru club cullendu da a CFA, Uzès-Pont-du-Gard. Visitori chì ani cunnisciutu una sorti upposta à quilla di i bastiacci a settimana scorsa, postu chì mentri chì u CAB pirdia 2-0 in Créteil, i so avversarii di a sera viciani 2-0 in casa soia contr’à u Parighji FC. Un primu test in casa chì sarà impurtantissimu pà i ghjucadori di Stéphane Rossi, chì t’avarani l’uccasioni stavolta di ghjucà cù i listessi armi, pà ciò chì tocca à a sparienza cù u vantaghju d’essa ind’è sè. Una vittoria parmittaria tandu di pighjà meghju issu fiascu in Créteil è di cuntinuà cù una serenità più grandi. Da nutà chì a Federazioni Francesi di Ballò rimittarà à i cabisti nanzi à a partita u so trufeu di campionu di Francia amatori buscatu a staghjoni scorsa. Pà iss’uccasioni quì, i ghjucadori campioni ma chì sò partuti di a squadra da tandu sarani quì pà riceva u trufeu.
