Football (National) - Le CA Bastia officiellement repêché en National
(A redazzioni d'Alta Frequenza) - Hè ufficiali, u CA Bastia ghjucarà bè in Naziunali a staghjoni chì veni. Dopu à u fattu chì u club di Le Poiré sur Vie ripartissi un'antra staghjoni in CFA2 o in DH, una piazza era dunqua libara in terza divisioni francesi. Postu ch'elli ani compiu à u 15u postu è dunqua prima club ind'a zona rossa di l'ultimu eserciziu, i ghjucadori di u presidenti Emmanuelli pudiani essa ripresi à ssu nivellu. Hè fatta oramai postu chì u club hà ricivutu stamani (ghjovi) una nutificazioni ufficiali di a Federazioni Francesi di Ballò in ssu sensu. Da un'antra banda, u club annunzia chì un accordu hè statu trovu cù Christian Bracconi. L'anzianu intrenori di l'ACA duvaria dunqua intrenà a squadra bastiaccia a staghjoni chì veni.
