Football (National) - Le CA Bastia favori face à Epinal
(A redazzioni d'Alta Frequenza) - Stasera (sabbatu) à 6 ori, u CA Bastia hà da riceva Epinal pà a 21a ghjurnata di u campiunatu di Naziunali. S'è a classifica pricisa ùn hà guasgi più nulla di cuerenti in issu mumentu par via di tutti i partiti rimandati, si pò dì quantunqua chì i bastiacci, à mità di a classifica, ghjucarani contr'à visitori chì ùn movini più da u fondu di quissa quì. Dui squadri chì ùn ani micca cunnisciutu a listessa sorti issa settimana in Cuppa di Francia, i cabisti essendu stati eliminati mentri chì Epinal s'hè qualificatu à i penalty. A gioia forti di a cuppa pighjarà a suprana nant'à a logica di a classifica è di a cundizioni fisica ? A risposta stasera in Erbaghjolu.
Sur le même sujet
