Football (National) - Le CA Bastia écrase Bourg-Péronnas (4-0)
(A redazzioni d'Alta Frequenza) - In Naziunali, u CA Bastia hà vintu unu di i so dui partiti in iritardu ch'ellu li firmava à ghjucà battendu à Bourg-Péronnas, 4-0. Malgradu una duminazioni larga, i cabisti sò stati muti ind'u primu tempu, mentri chì Bourg-Péronnas hà persu u so guardianu feritu inde issu primu periudu, rimpiazzatu da un ghjucadori di campu ind'i gabbii. Un affari chì hè custatu caru à i visitori, chì ani incasciatu una prima reta à a 53a minuta par via di N'Diaye. U CAB hà missu u tempu à cunfirmà, ma duranti l'ultimu quartu d'ora, i bastiacci ani riisciutu ad assicurà u so successu, primu cù Pastorelli à a 75a è à a 79a, parmittendu di ghjunghjini à 16 rialisazioni issa staghjoni, eppo cù una nova reta di N'Diaye ghjustu nanzi à a fini. Dopu à issa bellissima vittoria, s'è u mantenimenu ùn hè ancu assicuratu di modu sicuru, si pensa quantunqua chì l'affari hè guasgi fattu pà u CAB, chì essendu oramai cinquesimu cù sei punti di menu di pettu à u terzu è avendu sempri una partita in iritardu à ghjucà pò sunnià à un'incridibuli cullata in Lega 2 dopu à 31 ghjurnati.
