Football (National) - L'entraîneur du SC Bastia, Mathieu Chabert, pose les jalons de la saison à venir
Puri ùn ripiddendu chè pianu pianu, à parta si da u 29 di ghjunghju, l’addistramenti, Mathieu Chabert hà datu i marchi di a staghjoni à vena pà u SC Bastia.
Cacciati Etshimi (chì li tuccarà à truvà si un’altra squadra), è Tutu è Kanté (chì sò aghjà partiti), a maior’parti di u gruppu di Naziunali 2 attaccarà a staghjoni in a divisioni suprana. Ma l’affari ùn impidsiciarà micca à u Sporting di rinfurzà si : Dumenicu Guidi si laca u GFC Aiacciu par ghjunghja si ni in Bastia, è oramai si circa in priurità un attaccanti. Parvia di a crisa ecunomica, altri rinforzi ùn ci ni duvaria essa, è si darà u favori à l’impresti.
In a squadra tecnica, si ni volta Petru-Paulu Antonetti pà a cellula di riclutamentu, ma ghjunghji ancu Hugo Hantz, u fiddolu di l’anzianu addistradori, da analistu videò.
L’ughjittivu di u Sporting, senza tantu metta si a prissioni, sarà di figurà pà u meddu in issu campiunatu.
Steti à senta à Mathieu Chabert, l’addistradori.
Sur le même sujet
