Football (National) - Fin de série pour le GFCO Ajaccio défait à Bayonne (1-0)
(A redazzioni d'Alta Frequenza) - Vintesima ghjurnata di Naziunali, è un'incridibuli seria di successi à a fila compia pà u GFCO Aiacciu, chì hà persu arisera (sabbatu) ind'è l'ultimu, Bayonne, unu à zeru. Dopu à un primu periudu duminatu da l'Aiaccini, l'affari ani da essa più equilibrati ind'u sicondu tempu, cù Baschi dendu si di più di rimenu. U Gazélec chì avaria pussutu scriva parechji reti, frà altru à a 73a minuta nant'à una penalità di Colinet, ma iss'ultimu vidia a so prova arristata da u guardianu lucali. Lucali chì ani da apprufittà di issa situazioni deci minuti dopu, Giron dendu un vantaghju difinitivu à a so squadra. Dopu à issa scunfitta, i ghjucadori di Dumè Veilex fermani seiesimi, à quattru punti di u podium, Rouen appiendu persu è firmendu dunqua vicinu.
Sur le même sujet
