Football (National) - Deux nouveaux joueurs au GFCA
(A redazzioni d'Alta Frequenza) - Aspittendu d'essa riintegratu ind'u campiunatu Naziunali a settimana chì veni, i dirighjenti di u GFC Aiacciu cuntinueghjani u so marcatu pà rinfurzà u gruppu pà a staghjoni chì veni. Arimani (ghjovi), dui ghjucadori sò ghjunti in Mezavia. U primu, Yohan Abreu, hè un difensori di 24 anni, chì hà dighjà ghjucatu in Lega 1. Era a staghjoni scorsa in Belgica, in Mouscron, dopu avè ghjucatu in Saint Etienne. Ss'ultimu voli rilancià a so carriera, dopu essa statu feritu di manera gravi in u 2011 à u ghjinochju. U sicondu, Ali M'Madi, hè un mezu di tarrenu uffensivu, chì pò ghjucà dinò com'è attaccanti. Ss'ultimu era a staghjoni scorsa in Evian. Hà ghjucatu 16 partiti di Lega 1, ma solu 2 l'altru eserciziu. Si vularà rilancià anch'ellu à u Gazélec. Dui bellissimi ghjunti chì cunfirmeghjani l'ambizioni di u GFCA pà a staghjoni 2013/2014.
Sur le même sujet
