Football (National) - Déplacement périlleux pour le GFC Ajaccio à Strasbourg
(A redazzioni d'Alta Frequenza) - In Naziunali, pà a 20a ghjurnata, u GFC Aiacciu, 3u, và ssu vennari à sera in Alsazia pà ghjucà à ottu ori è mezu contr'à u Racing Club di Strasbourg, 14u. Un spiazzamentu difficiuli pà l'aiaccini chì, dopu avè fattu un novu risultatu à paru in casa a sittimana scorsa, pruvarani à buscà si à u minimu un puntu di ssu viaghju, elli chì t'ani solu oramai quattru unità di più di pettu à u quattriesimu. Pà ssu scontru, Thierry Laurey ùn pudarà micca cuntà annant'à Colloredo, François è Vannucci, feriti, mentri chì Tshibumbu hè di ritornu à l'attaccu.
