Football (National 3) - Le SC Bastia poursuit sa reconstruction
(A ridazzioni d'Alta Frequenza) - Annu, u SC Bastia si lacaia u mondu prufiziunali, parvia di i perditi tamanti nati da a gistioni di l’anziana dirizzioni. Cù dulori è difficultà, a squadra attaccaia a so staghjoni cù l’amatori, in Naziunali 3. Annu, a cuddata hè stata mancata di pocu. Quist’annu, sarà u solu ughjittivu lla squadra, da avvià a so ricunquista. Innanzi à u scontru di duminica, contru à a riserva di l’AC Aiacciu, ci hè stata aghjà una prima vittoria, 4 à 1, contru à u Pontet. Da culandi à l’arghja spurtiva, cù 2000 abbunati, i bastiacci avanzani in a so strutturazioni. In u mentri chì l’accademia llu ballò hà pussutu stallà i pighjunanti di a squadra di l’U19 naziunali in l’anzianu centru di furmazioni, a squadra devi francà un passu impurtanti in fin’d’annata, o in principiu di l’annu ch’entri. Di fatti, u Sporting hà da metta in anda una SCIC, Sucità Cuupirativa d’Intaressu Cullittivu, aparta à i cullitività, i impresi è i particulari, cù l’ughjittivu di truvà trè millioni d’auri.
Staremu à senta à Claude Ferrandi è à Pierre-Noël Luiggi, prisidenti è vici-prisidenti llu Sporting, in li prossimi edizioni.
